Sürücü hesablarını blokladığına görə "Uber"i 825 milyon avro cərimə gözləyir

Niderlandın Məlumatların Mühafizəsi İdarəsi Avropanın məlumatların qorunması qaydalarını pozduğu üçün “Uber” şirkətini 825 milyon avro (966 milyon dollar) məbləğində cərimələyib.

Avtosfer.az xəbər verir ki, bu barədə “Reuters” məlumat yayıb.

Bildirilib ki, şirkət sürücü hesablarını avtomatlaşdırılmış sistemlər vasitəsilə bloklayarkən bu barədə həmin şəxslərə kifayət qədər məlumat verməyib.

Sözügedən cərimə Avropa İttifaqının Ümumi Məlumatların Mühafizəsi Reqlamentinin qüvvədə olduğu dövrdə tətbiq edilən ikinci ən böyük cərimə ola bilər.

Bu baxımdan ilk sırada 2023-cü ildə İrlandiya tərəfindən “Meta” şirkətinə tətbiq olunan 1,2 milyard avroluq cərimə dayanır. Şirkət avropalı “Facebook” istifadəçilərinin məlumatlarını qanunsuz şəkildə ABŞ-yə ötürməkdə ittiham olunmuşdu.

“Uber” isə cərimə qərarından şikayət edəcəyini açıqlayıb.