Avtomobilə bu yapışqanlardan vuran sürücüləri nə gözəyir? - FOTO

Sürücülərin avtomobillərə etdikləri əlavələrdən biri də banın müxtəlif yerlərinə vurduqları yapışqanlardır. Bəzi sürücülər faranın üst və alt hissəsinə qara yapışqanlar vuraraq kirpik effekti yaradırlar. Həmin yapışqandan istifadə edən sürücülər bunun qanuni olub-olmaması ilə bağlı redaksiyamıza suallar ünvanlayırlar.

Avtosfer.az sürücülərə qaranlıq qalan bu məsələyə aydınlıq gətirərək bildirir ki, qanunvericiliyə görə avtomobildə normativ tələbləri pozan avadanlıq quraşdırmaq və dəyişdirmək qadağandır. Həmçinin banın rəngi dəyişən zaman avtomobil təkrar qeydiyyata alınmalıdır. Lakin təqdim etdiyimiz fotodakı yapışqanlar nə normativ tələbləri pozur, nə də avtomobildə mühüm rəng dəyişikliyi yaradır. Bu yapışqan detalın ümumi rəngini dəyişmədiyi üçün, yəni çox xırda bir hissəni əhatə etdiyi üçün qanunvericiliyin tələbi pozulmamış hesab olunur. Bu əmələ görə sürücü heç bir məsuliyyətə cəlb edilə bilməz.

Leyla