Avtomobilin ön faralarına qırmızı işıq quraşdırmaq olar? - QANUN BELƏ DEYİR - VİDEO

Son zamanlar əksər sürücülər avtomobilin ön farasındakı qabarit işıqlarına qırmızı lampalar quraşdırırlar. Lakin bunun qadağan olub-olmadığından xəbərsizdirlər.

Avtosfer.az bu məsələyə aydınlıq gətirərək bildirir ki, işıq cihazlarına dair qaydalar həm "Yol hərəkəti haqqında" qanunda, həm də Avropa İqtisadi Komissiyasının qaydalarında öz əksini tapıb. Hazırda qüvvədə olan "Yol hərəkəti haqqında" qanunun I saylı əlavəsində qeyd olunub ki, geriyə hərəkət fənərləri və dövlət qeydiyyat nişanının işıqlandırılması istisna edilməklə, nəqliyyat vasitəsinin qabağında qırmızı rəngli, arxasında isə ağ rəngli işıq cihazları və ya işıqqaytarıcılar qurulması qadağandır. Buna yol vermiş sürücülər İnzibati Xətalar Məcəlləsinin 342.2.2-ci maddəsi ilə 150 manat məbləğində cərimə edilə bilər.

Nərmin