Axşam saatlarında işıq cihazlarını yandırmayan sürücüləri bu cəza gözləyir

Bəzən günün qaranlıq saatlarında xarici işıq cihazları sönülü vəziyyətdə olan avtomobillərin hərəkət etməsinin şahidi oluruq. Avtosfer.az xəbər verir ki, bu hal əsasən yolun süni işıqlandırma olan hissələrində baş verir. İşıqlı yolda hərəkət edən sürücülər avtomobilin işıqlarının sönülü olmasını hiss etmirlər. Lakin bu, digər sürücülər üçün böyük təhlükə yarada bilər. Hətta yolayrıclarında işıqları sönülü avtomobilin görünməməsi qəzaların baş verməsinə səbəb ola bilər.

Günün qaranlıq saatlarında xarici işıq cihazlarını qoşmayan sürücüləri hansı cəza gözləyir?

"Yol hərəkəti haqqında" qanunda qeyd edilib ki, sutkanın qaranlıq vaxtı hərəkətdə olan nəqliyyat vasitələrində və qoşqularda yaxın vuran işıqlar və arxa qabarit işıq cihazları yandırılmalıdır.

Bu tələbi pozan sürücülər İnzibati Xətalar Məcəlləsinin 329.3-cü maddəsi ilə otuz manat məbləğində cərimə edilə bilər.

Leyla