Başqasının cəriməsi sizə gəldikdə bu cür sildirə bilərsiniz - VİDEO İZAH

Yol hərəkəti qaydasını pozan sürücünün cəriməsi bəzi hallarda digər şəxsin adına tərtib edilir. Bu, əsasən xüsusi texniki vasitələrin səhvi nəticəsində baş verir. Kamera nömrədəki hərfləri və ya rəqəmləri düzgün fiksasiya edə bilmədikdə cərimənin digər şəxsin adına rəsmiləşdirilməsi halları baş verir. Bəzən isə sürət həddini aşan sürücünün cəriməsi qonşu zolaqda gedən avtomobilin sürücüsünə tərtib edilir.
Belə hallar baş verdikdə sürücü nə etməlidir?
Avtosfer.az xəbər verir ki, sürücülər belə hallarla qarşılaşdıqda dərhal Dövlət Yol Poli İdarəsinə rəsmi ərizə ilə müraciət etməlidirlər. DYP-yə müraciət olunduqda məsələ araşdırılır və sürücünün qayda pozmadığı təsdiqini tapdıqdan sonra yazılmış cərimə ləğv edilir. 
Belə hallarla qarşılaşan sürücülər həm Avtosfer.az saytının sosial şəbəkə hesablarına, həm də DYP-nin rəsmi internet səhifəsi üzərindən müraciət edə bilərlər.

Nurlan Sakitoğlu