"BMW"yə "M" bufer quraşdıran sürücülər bunu diqqətlə oxusun

Əksər "BMW" sürücüləri avtomobilin buferini dəyişərək "M paket" adlanan restayl olunmuş buferləri quraşdırırlar. Həmin buferlərin üzərində duman işıqları üçün xüsusi yer nəzərdə tutulmadığına görə, buferi dəyişən sürücülər avtomobildəki duman işıqlarını çıxarırlar.

Duman işıqlarını çıxarmaq qanunsuz hesab edilir, yoxsa yox?

Avtosfer.az xəbər verir ki, eyni marka və modelli avtomobilin biri duman işıqları ilə, digəri duman işıqları olmadan istehsal edilirsə burada qanun pozuntusundan söhbət gedə bilməz. Qanunda qeyd olunub ki, normativ tələbləri pozan avadanlığın quraşdırılması və dəyişdirilməsi qadağandır. Duman işıqlarını çıxarmaq heç bir normativ tələbi pozmur.

Necə ki, əksər sovet avtomobil istehsalçıları duman işıqları quraşdırmırdılar. Sürücülər bunu sonradan öz istəklərinə görə quraşdırırdılar. Bu, qayda pozuntusu hesab edilmirsə, duman işıqlarını çıxarıb restayl olunmuş buferi quraşdırmaq da qayda pozuntusu deyil.

Leyla