Bu şəxslər sürücülük vəsiqəsi ala bilməyəcək — AÇIQLAMA

"Rusiyada sürücülük vəsiqəsinin verilməsi ilə bağlı boy məhdudiyyəti barədə məlumatlar oxumuşam. Əgər belə bir qayda varsa, bu, onların daxili işidir. Amma dünyada sürücülərin boyu ilə bağlı heç bir məhdudiyyət yoxdur. Mən hesab etmirəm ki, Azərbaycanda belə bir qadağa tətbiq oluna bilər".

Bunu açıqlamasında sosioloq Hüseyn İbrahimov deyib.

O, bildirib ki, ölkəmizdə sürücülük vəsiqələrinin verilməsi prosesi daha yenilikçidir:

"1 sentyabr 2025-ci ildən etibarən bu vəsiqələr elektron hökumət portalı vasitəsilə əldə edilə bilər. Boy və yaş məhdudiyyətləri tətbiq edilmir. Digər ölkələrdə, məsələn, Rusiyada belə tələblər ola bilər. Ola bilsin ki, bu, daha hündür avtomobillərin dövrəyə girməsi və onların idarə olunmasında təhlükəsizlik səbəbləri ilə bağlıdır".

Sosioloq qeyd edib ki, bütün hallarda Azərbaycanda sürücülük vəsikələrində boy məhdudiyyəti tətbiq edilməməlidir.

Qeyd edək ki, Rusiya Federasiyasında sentyabr ayından qüvvəyə minən qanuna əsasən, boyu 150 santimetrdən az olan şəxslərə sürücülük vəsiqəsi verilməyəcək.(Demokrat.az)