Buraxılış kartı olmadan sərnişin daşıyan taksi sürücülərini hansı məsuliyyət gözləyir? - VİDEO

Məlum olduğu kimi taksi minik avtomobillərinə dair təsdiqlənən yeni tələblər əsasən bu fəaliyyət üçün sürücülər buraxılş kartı almalıdır.  

Bəs buraxılış kartı olmadan sərnişin daşıyan taksi sürücülərini hansı məsuliyyət gözləyir?  

Avtosfer.az xəbər verir ki, bu sualı Avto FM radiostansiyasının efirində yayımlanan "Qaydaları pozma" verilişində Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli cavablayıb. 

O bildirib ki, buraxılış kartı olmayan taksi sürücülərinin, yəni bu fəaliyyətlə qeyri qanuni məşğul olan şəxslər İnzibati Xətalar Məcəlləsinin 324-cü maddəsinə uyğun olaraq 50 manat məbləğində cərimə oluna bilərlər: “Bu, əslində bundan öncəki qanunvericilikdə də belə idi. Yəni cərimə məbləğlərində hər hansı bir dəyişiklik olmayıb. Sadəcə olaraq, yeni anlayış buraxılış kartıdır. Lazımi sənədlərin aidiyyatı qurumdan alıb xidmətinizi həyata keçirin ki, əlavə məsuliyyətlə üzbəüz qalmayasınız”. 

Məhəbbət Tərlanoğlu