DİQQƏT : Buna görə 30 manat cərimə oluna bilərsiniz – VİDEO

Sürücünün bir sıra hallarda xarici işıq cihazlarından istifadə etməsi zəruri hesab olunur. Hətta bu baş vermədikdə DYP əməkdaşları cərimə tətbiq edə bilər.

Bəs tunellərdə hərəkət zamanı xarici işıq cihazlarından istifadə mütləqdirmi?

Avtosfer.az xəbər verir ki, bu sualı “AvtoFM” radiostansiyasının efirində yayımlanan "Qaydaları pozma" verilişində Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli cavablayıb.

O, bildirib ki, istər tunellərdə, istərsə də günün qaranlıq saatlarında, yollar işıqlandırılırsa belə xarici işıq cihazlarından istifadə etmək mütləqdir: “Çünki bu, təhlükəsizliyin təminatı baxımından vacibdir. Əgər tunellərdə və ya günün qaranlıq saatlarında yolların işıqlandırılmasından asılı olmayaraq xarici işıq cihazlarından istifadə olunmursa, bu, İnzibati Xətalar Məcəlləsinin 329-cu maddəsinin 3-cü bəndinə uyğun olaraq 30 manat məbləğində inzibati tənbeh tədbirinin seçilməsi üçün əsasdır.”

Araz Əsgərli bildirib ki, hər bir sürücü bu hərəkətləri etməklə müxtəlif formada bəhanələr gətirməməlidir. Çünki yol-nəqliyyat hadisələri təhlükəsizlik tədbirlərinin düzgün icra olunmaması nəticəsində baş verir.

Məhəbbət Tərlanoğlu