Hərəkət vaxtı təkər partlayanda nə etməli?

Yüksək sürətlə hərəkət zamanı təkərin partlaması istənilən sürücünün başına gələ bilər. Bəs bu zaman sürücü necə davranmalıdır?

Avtosfer.az xarici saytlara istinadla xəbər verir ki,bu halda əksər sürücünün etdiyi səhv kəskin tormozlamadır. Bu zaman avtomobil idarəedilməz hala düşə bilər. Vəziyyətdən çıxmaq üçün sükanı döndərməmək və sürəti tədricən azaltmaq lazımdır. Sürət minimuma endikdən sonra tədricən tormozlamaq olar.
Onsuz da təkəri partlayan avtomobilin dayanması üçün qısa yol tələb olunur.

Müasir təkərlərdə partlama riski azdır. Bir şərtlə ki, şin mövsümə uyğun olsun, təzyiq və protektorun qalınlığı qaydasında olsun, isti havada çox da yüksək sürətlə hərəkət edilməsin. Bir sözlə, müasir təkərlərin partlaması yol şəraitindən daha çox sürücüdən asılıdır.

Bir çox sürücü düşünür ki yayda naxışı yeyilmiş (keçəl) təkərlə sürmək olar. Lakin praktika göstərir ki, isti havada belə təkərlər ifrat qızdığı üçün daha təhlükəlidir və hər an partlaya bilər.

Vüqar