Körpə uşaqları ön oturacaqda qucaqda daşımaq olar? - QANUN BELƏ DEYİR

Azyaşlıların avtomobildə hansı formada daşınması qaydasından əksər sürücülər xəbərsizdilər. Avtosfer.az xəbər verir ki, bəzən ön oturacaqda əyləşən sərnişin qucağında azyaşlı uşağı otuzdurur.

Qeyd edək ki, qanunvericiliyə görə, azyaşlıların ön oturacaqda qucaqda daşınması qadağandır. Onlar arxa oturacaqda müstəqil və ya qucaqda daşına bilər. Ön oturacaqda isə xüsusi uşaq oturacağı olan hallarda daşınmasına icazə verilir.

Ön oturacaqda körpə uşaqların daşınmasına görə sürücü, yoxsa sərnişin məsuliyyət daşıyır?

Qeyd edək ki, 12 yaşadək uşaqların ön oturacaqda xüsusi oturacaq olmadan və ya digər sərnişinin qucağında daşınmasına görə sürücü məsuliyyət daşıyır. Bu xətanı törədən sürücülər İnzibati Xətalar Məcəlləsinin 327.2-ci maddəsi ilə 3 bal 80 manat məbləğində cərimə edilə bilər.

Fərid