Lukaşenkonun Azərbaycana hədiyyə etdiyi traktorlar - TEXNİKİ XÜSUSİYYƏTLƏR  - FOTO

Qarabağa səfər edən Belarus Prezidenti Aleksandr Lukaşenko Azərbaycana traktorlar hədiyyə etdi. Məlumat üçün deyək ki, Lukaşenko traktoru ən çox hörmət etdiyi ölkələrə və liderlərə bağışlayır. Həm də nəzərə alaq ki, Azərbaycana bir dəfəyə həm kiçik, həm də böyük seriyadan 2 traktor hədiyyə edilib. Biz də bu traktorlar barədə oxuculara müəyyən qədər məlumat vermək istədik.

Avtosfer.az xəbər verir ki, traktorlardan kiçiyi 300 seriyasından olan MTZ 320.4-dür. Bu, Belarusda istehsal olunan ən kiçik traktordur. 35 at gücündə üçsilindrli Dizel mühərriklə təchiz olunmuş texnika əsasən yol təsərrafatı və kommunal işlərdə istifadə edilir. Seriyanın istehsalı 21-ci əsrdə başlayıb. İlk dövrlərdə traktor xarici mühərriklə komplektləşdirilsə də, sonradan texnikada Minsk Motor Zavodunun mühərriklərinin quraşdırılmasına başlanılıb. Kənd təsərrüfatında bu traktor bir qayda olaraq dar yerlərdə, kiçik təsərrüfatlarda və üzümçülükdə istifadə olunur. 

Böyük traktor isə MTZ 1222-dir. Azərbaycanda da kifayət qədər tanınan bu traktor altısilindrli, 122 at gücünə malik Dizel mühərriki ilə təchiz edilib. Traktor ağır kənd təsərrüfatı işləri və qoşqu üçün nəzərdə tutulub.
Hər 2 traktor istismar ediləcəyi regiondan asılı olaraq müxtəlif növ mühərriklərlə komplektləşdirilir. 1222 modelinin kondisionerli versiyaları da mövcuddur.

Vüqar