Maşının işəsalma açarı hansı halda avtomobilə zərər verə bilər? – EKSPERTLƏRDƏN ARAŞDIRMA

Çoxumuz avtomobili işə salmazdan əvvəl güzgüləri, ötürücü qolunu və əl əyləcini yoxlayırıq.

Avtosfer.az xəbər verir ki, avtomobillərdə baş verən problemlərin əksəriyyəti yürüşlə əlaqəli rutin səbəblərdən qaynaqlanır. Lakin nəzərə alınmayan bəzi vərdişlər avtomobilin daxili hissələrində ciddi problemlərə yol aça bilər.

Mütəxəssislər xəbərdarlıq edir ki, alışdırma açarlarını digər açarlarla birlikdə istifadə etmək təhlükəli ola bilər. Onlar bu vəziyyətin avtomobilin mexanizmlərinə göstərdiyi mənfi təsirə diqqət çəkiblər.

Araşdırmalara görə, əgər brelokda bir neçə açar varsa, bu, avtomobilin alışdırma silindrinin içindəki həssas hissələri zədələyə bilər. Açarların yaratdığı əlavə yük nə qədər çox olarsa, mexaniki hissələr də bu yükdən bir o qədər çox təsirlənir. Bu səbəbdən, alışdırma açarının düzgün və səliqəli saxlanması son dərəcə vacibdir.
Brelokdakı artıq çəki alışdırma silindrinin əlavə gərginlik altında qalmasına səbəb olur ki, bu da daxili hissələrin hər sarsıntı, fırlanma və vibrasiya zamanı yavaş-yavaş aşınmasına gətirib çıxarır.

Eltac Zülfüqaroğlu