Maşının təkərləri ilə bağlı bu tələblərə əməl etməyən sürücüləri hansı cəza gözləyir?

Sürücülərin avtomobildə nəzarət etmədiyi hissələrdən biri də təkərlərdir. Əksər sürücülər şinlərlə bağlı tələblərdən xəbərsizdirlər. "Yol hərəkəti haqqında" qanunun 1 saylı əlavəsində şinlərlə bağlı müəyyən tələblər mövcuddur. Həmin əlavədə şinlərin protektorundakı naxışların hündürlüyü ilə bağlı ölçülər müəyyən olunub:

1) Minik avtomobillərində naxışların qalmış hündürlüyü 1,6 mm-dən,

2) Yük avtomobillərində — 1 mm-dən,

3) Avtobuslarda — 2 mm-dən,

4) Motosiklet vəmopedlərdə— 0,8 mm-dən az olduqda istismara yararsız hesab olunur.

Eyni zamanda şinlərdə kordun çılpaqlaşması, habelə karkasın təbəqələrə ayrılması, protektorun və şinin yan rejiminin qopması kimi yerli zədələr (yarıq, kəsik, qırıq) olduqda istisamara yararsız hesab edilir.

Bununla yanaşı avtobusun, minik və yük avtomobilinin və ya onun qoşqusunun bir oxuna radial şinlə birlikdə diaqonal şin və ya protektoru müxtəlif naxışlı şinlər geydirildikdə avtomobil istismara yararsız olur.

Bu nasazlıqları aradan qaldırmaq mümkün olmadığı halda sürücü 50 manat məbləğində cərimə oluna bilər.

Leyla