Parklanma üçün yeni tətbiq necə istifadə olunmalıdır? - VİDEO

Bu gündən etibarən avtomobillərin parkanması üçün yeni tətbiqdən istifadə olunacaq. Avtosfer.az xəbər verir ki, parklanma üçün nağd pul ödənişləri olmayacaq. Vətəndaşlar yeni tətbiqdən istifadə etməklə avtomobillərini təyin olunmuş nöqtələrdə asanlıqla saxlaya biləcək. 

Azərbaycan Yerüstü Nəqliyyat Agentliyi vətəndaşlara müraciət edərək bildirib ki, Bakı şəhərinin inzibati ərazisində dövlət avtomobil yollarında təşkil edilmiş parklanma yerlərinin Nazirlər Kabinetinin müvafiq qərarı ilə təsdiq olunmuş yeni qaydalar əsasında idarə edilməsi bu sahədə nizam-intizamın yaradılmasına, qanunsuz pul yığımının qarşısını almaqla maliyyə şəffaflığının təmin olunmasına xidmət edir.

Belə ki, küçə parklanma yerlərindən istifadəyə görə sürücülərdən nağd şəkildə hər hansı bir ödəniş tələb oluna bilməz. 

Qeyd edək ki, parklanma yerlərində müəyyən olunmuş parklanma qaydalarına riayət olunması, ödəmələrin həyata keçirilməsinə nəzarət, o cümlədən ərazidə maarifləndirmə və məlumatlandırma məqsədilə nəzarətçilər, eləcə də “Nəqliyyat Könüllüləri” prosesə cəlb olunacaqlar.

Leyla