Piyadaların diqqətinə: Keçiddə olanda bu maşınlara yol verməsəniz cərimələnəcəksiniz - VİDEO

Yollarda hərəkət edən piyadaların əksəriyyəti öz hüquq və vəzifələrindən xəbərsizdirlər. Piyadaların vurulması ilə nəticələnən qəzalarda məhz onların da səhlənkarlığı yer alır. Bəzən onlar düşünür ki, zebra kimi tanıdıqları nişanlanma xətti varsa hər bir halda sürücülər onlara yol verməlidir. Lakin elə hal var ki, piyada dayanıb sürücüyə yol verməlidir.

Bu hansı haldır?

"Yol hərəkəti haqqında" qanunun 40-cı maddəsində qeyd olunub ki, qırmızı və ya göy sayrışan işıq və xüsusi səs siqnalı qoşulmuş nəqliyyat vasitəsi yaxınlaşdıqda, piyada yolun hərəkət hissəsini keçməməlidir. Hərəkət hissəsində olanlar isə bu nəqliyyat vasitələrinə yol verməli və hərəkət hissəsini dərhal boşaltmalıdırlar.

Lakin təqdim etdiyimiz videogörüntüdən aydın şəkildə görünür ki, piyadalar sayrışan işıq və xüsusi səs siqnalı verən təcili tibbi yardım avtomobilinin gəldiyini görsələr də dayanmadan hərəkətlərinə davam ediblər.

Bu xətanı törədən piyadalar üçün qanunvericilikdə 20 manat məbləğində cərimə nəzərdə tutulub.

Nərmin