Qeydiyyat şəhadətnaməsinə "sport" yazdırmaq istəyən SÜRÜCÜLƏRİN NƏZƏRİNƏ! - VİDEO

Sürücülərə ən çox maraqlı gələn mövzulardan biri də qeydiyyat şəhadətnaməsinə "sport" sözünün yazılmasıdır. Bununla bağlı redaksiyamızın sosial şəbəkə hesablarına çoxsaylı suallar ünvanlanır. Son vaxtlar Çinin ehtiyat hissəsi buraxan zavodları əksər avtomobillər üçün "sport" yaylar istehsal edir. Bu yaylar avtomobilin arxasını aşağı saldığı üçün sürücülərdə xüsusi maraq yaradır. Diqqət çəkən məqamlardan biri isə həmin yayların sertifikatla satılmasıdır. Yəni bir kağız üzərində qeyd olunub ki, bu yaylar filan avtomobil marka və modelləri üçün istifadəyə yararlıdır. Sürücülər də sertifikatı əsas götürərək "sport" adlanan yaylardan istifadə etməyə başlayırlar. Bəziləri isə məsələni kökündən həll etmək üçün qeydiyyat şəhadətnaməsinə "sport" sözünü yazdırmağa çalışır.

Bu məsələ ilə bağlı qanun nə deyir?

Avtosfer.az xəbər verir ki, avtomobil üçün istehsalçı zavod tərəfindən nəzərdə tutulmuş yaylardan başqa, digər yaylardan istifadə etmək qadağandır. Çünki zavod, avtomobili istehsal etməmişdən öncə yükgötürmə qabiliyyətini, dayanaqlığını və.s test edərək ona uyğun yaylar istehsal edir. Sonradan hansısa Çin zavodunun

"sport" adı altında yaylar istehsal etməsi və adi kağız üzərində onun istismarına icazə verməsi sadəcə satış hiyləsidir.

Eyni zamanda "sport" və ya bu tipli yazıların qeydiyyat şəhadətnaməsinə yazılması qanunda nəzərdə tutulmayıb. Qanunvericiliyə görə, qeydiyyat şəhadətnaməsinə yalnız reysterə düşən məlumatlar (mühərrik, ban, şassi nömrələri, rəngi, mühərrikin yanacaq növü, ban tipi və.s) qeyd olunmalıdır.

Leyla