Qəza zamanı avtomobili yerindən tərpətməyən SÜRÜCÜLƏRİN DİQQƏTİNƏ! - VİDEO

Bakıda baş verən zəncirvari qəza uzun tıxaca səbəb olub. Avtosfer.az xəbər verir ki, hadisə paytaxtın Əbdülvahab Salamzadə küçəsində baş verib. Belə ki, sözügedən yolun sağ hərəkət hissəsində ara məsafəsini düzgün seçməyən 3 avtomobil bir-birinə arxadan toxunub. Videodan da görünür ki, qəza sadəcə avtomobillərin yüngül zədələnməsi ilə nəticələnib. Lakin sürücülər hadisə yerində dayandıqları üçün yolda uzun tıxac yaranıb.

Bu halda qəzaya düşən sürücülər avtomobili hadisə yerindən tərpədə bilərlər, yoxsa yox?

"Yol hərəkəti haqqında" qanunun 37-ci maddəsində qeyd olunub ki, yol nəqliyyat hadisəsi zamanı başqa nəqliyyat vasitələrinin hərəkəti qeyri- mümkün olduqda, yolun hərəkət hissəsi boşaldılmalıdır.

Yəni, yolda tıxac yaranırsa sürücülər hadisə yerindən video, foto qeydə alaraq avtomobili oradan kənara çəkməlidirlər. Bunu edən sürücüləri heç bir məssuliyyət gözləmir. Hətta qəzanın baş verməsi ilə bağlı sürücülər arasında heç bir mübahisə yoxdursa, onlar oradan uzaqlaşaraq hadisəni qeydə aldırmaq üçün Dövlət Yol Polisi İdarəsinə yaxınlaşa bilərlər.

Leyla