Qüsurlu hava yastığına görə 8 milyon avtomobil geri çağırılır

Stellantis qrupu hava yastıqlarındakı nasazlığıa görə 8 milyon avtomobili geri çağırmağa qərar verib. 

Avtosfer.az xəbər verir ki, ilkin hesblamalarda göstərilirdi ki, kampaniya cəmi bir neçə min avtomobili əhatə edəcək. Lakin ayrı-ayrı ölkələrin nəzarət orqanlarının müdaxiləsi sonrası kampaniyanın əhatə dairəsi genişlənərək 8 milyon avtomobili ötüb. 
Geri çağırılan maşınlar arasında Citroen və Opel üstünlük təşkil edir. 2008-2019-cu illərdə satılmış Citroen və 2005-2019-da satılmış Opel modelləri kampaniyaya cəlb edilir.
Kampaniyaya cəlb edilən modellərdəki hava yastıqlarını Yaponiyanın Takata şirkəti istehsal edib. Stellantis rəhbərliyi iddia edir ki, hava yastıqlarındakı qaz isti və rütubətli havada sıradan çıxır. Artıq buna görə Almaniyada 1, Fransada 2 ölüm qeydə alınıb.

Vüqar