Sərxoş və ya narkotik təsiri altında qəza törədən avtobus sürücüsünə hansı cəza verilir?

Öyrənək 1 Fevral 2024 11:29 Oxunub 704
Sərxoş və ya narkotik təsiri altında qəza törədən avtobus sürücüsünə hansı cəza verilir?
WhatsApp kanalımıza abunə ola bilərsiniz

Sükan arxasında sərxoş və ya narkotik vasitələrin təsiri altında olmaq inzibati xəta yaradır. Avtosfer.az xəbər verir ki, bəzən ictimai nəqliyyat idarə edən sürücülər də analoji vəziyyətdə maşın sürürlər. Bir çox hallarda avtobus qəzaları zamanı sürücünün sərxoş və ya narkotik vasitənin təsiri altında olduğu aşkarlanır. Bəs belə oladuqda sürücünü hansı cəza gözləyir?

İnzibati Xətalar Məcəlləsinin 333.1-ci maddəsində bu hallar üçün cəzalar nəzərdə tutulub. Belə ki, Məcəllənin 333-1.4-cü maddəsində qeyd olunur ki, ümumi istifadədə olan nəqliyyat vasitəsini idarə etmək hüququ olan şəxs tərəfindən belə nəqliyyat vasitəsinin narkotik vasitələrdən, psixotrop maddələrdən və ya güclü təsir edən digər maddələrdən istifadə olunması nəticəsində sərxoş vəziyyətdə sərnişin daşımaqla idarə edilməsinə görə, nəqliyyat vasitəsini idarə etmək hüququ iki il müddətinə məhdudlaşdırılmaqla bir aydan iki ayadək müddətə inzibati həbs tətbiq olunur.

Eyni zamanda qeyd olunan xəta nəticəsində zərər çəkmiş şəxsin, yəni sərnişinlərin sağlamlığına yüngül bədən xəsarətinin yetirilməsinə və ya maddi zərər vurulmasına görə isə nəqliyyat vasitəsini idarə etmək hüququ iki il müddətinə məhdudlaşdırılmaqla iki aydan üç ayadək müddətə inzibati həbs tətbiq olunur.

Qeyd edək ki, xüsusi texniki vasitə narkotik vasitələrin, psixotrop maddələrin və ya güclü təsir edən digər maddələrin qəbulunu göstərdiyi halda şəxsin narkotik vasitələrdən, psixotrop maddələrdən və ya güclü təsir edən digər maddələrdən istifadə olunması nəticəsində sərxoşluq vəziyyətində olduğu hesab edilir.

Orxan

ŞƏRH YAZ
Ad

E-mail

Şərh