Sürücülər ayaqda qıcolmanın qarşısını necə ala bilərlər? - VİDEO

Bəzən sürücülər, xüsusilə də uzun müddət maşın sürəndə ayaqlarında qıcolma kimi şikayətlərlə həkimlərə müraciət edirlər. Bəs sürücülər ayaqda qıcolmanın qarşısını necə ala bilərlər?

Avtosfer.az xəbər verir ki, bu barədə Avto FM radiostansiyasının efirində yayımlanan "Faydalı Saat" verilişində dietoloq Tutu Zeynalova danışıb.

O, bildirib ki, bunun səbəbi mineral əksikliyinə bağlı ola bilər: “Belə şikayət olan sürücülər maqnezium qəbul edərək bir neçə günə şikayətlərinin azaldığını, sonra isə tamamilə yoxa çıxdığını görəcək. Bu gün dünya əhalisinin 85 faizində maqnezium mineralı əksikdir. Çünki maqnezium xüsusilə qayalıq torpaqlarda olan mineraldır. Təəssüf ki, bu gün bar versin deyə torpaqlar o qədər işlənilib ki, maqnezium mineralı əksikliyinə səbəb olub. Buna görə də qidalardan kifayət qədər maqnezium ala bilmədiyimiz üçün qıcolmalar yaranır. Maqneziumu qida əlavəsi olaraq aptekdən alıb istifadə etmək mümkündür”.

Məhəbbət Tərlanoğlu