Sürücülər qırmızı işıqda sükanı niyə sola çevirir? - VİDEO

Yol hərəkətində tez-tez rast gəlinən, lakin bir çox sürücünün səbəbini bilmədiyi bir davranış var: qırmızı işıqda dayanan bəzi sürücülər sükanı bir tur sola çevirirlər. Bəs bu hərəkətin arxasında nə dayanır?

Avtosfer.az xəbər verir ki, mütəxəssislərin fikrincə, bu, sadəcə vərdiş deyil, həyat qurtaran bir ehtiyat tədbiridir. Əgər sürücü qırmızı işıqda dayanıbsa və qarşısında iri həcmli yük maşını varsa, bu, artıq təhlükəli bir vəziyyətin başlanğıcı deməkdir. Belə anlarda əgər arxadan digər bir yük maşını və ya iri tonnajlı avtomobil gəlirsə və diqqətsizlik nəticəsində arxadan çırpılarsa, ön və arxa tərəfdən sıxılma riski yaranır. Bu, xüsusilə də yokuş aşağı yollarda daha böyük təhlükə yaradır.
Lakin sükanı bir tur sola çevirmək bu təhlükəni müəyyən qədər azalda bilər. Belə olduqda, arxadan zərbə alan avtomobil düz istiqamətdə əzilmək əvəzinə sola doğru yönəlir və həm sürücü, həm də sərnişin üçün həyati təhlükə riski xeyli azalır.

Yol hərəkəti üzrə təcrübəli sürücülər və təlimatçılar bu üsulun sadə, amma çox önəmli bir profilaktik tədbir olduğunu deyirlər. Onların fikrincə, xüsusilə iri maşınların sıx olduğu şəhər mərkəzlərində və ya yük avtomobillərinin intensiv hərəkət etdiyi magistrallarda bu vərdiş sürücülərə əlavə təhlükəsizlik təmin edə bilər.
Bu sadə qaydaya əməl etməklə qırmızı işıqda dayanan zaman mümkün zərbələrdən yayınmaq və ciddi qəzaların qarşısını almaq mümkündür.

Eltac Zülfüqaroğlu