Sürücülərin diqqətinə! - Bu halda arxadan vuran sürücü günahsızdır - VİDEO

Yol nəqliyyat hadisələri ilə bağlı illərdir sürücülərdə yanlış fikirlər formalaşıb. Onların böyük əksəriyyəti elə düşünür ki, arxadan vuran sürücü həmişə günahkardır. Hətta bəzi qəzalarda günahı olmayan sürücü məlumatsız olduğu üçün digər sürücü tərəfindən günahkar çıxarılır.

Avtosfer.az xəbər verir ki, müəyyən hallarda arxadan vuran sürücü günahsız olur. Bu hallardan bir neçəsini sadalayaraq sürücülərin diqqətinə çatdırmaq istəyirik.

Bəzən sağ zolaqla hərəkət edən sürücü ötmə əməliyyatı edərək sol zolağa keçir. Bu zaman sol zolaqdakı avtomobilin önünə keçərək arxadan vurulur. Həmçinin sağ zolaqdan sola və ya geriyə dönən zaman da belə qəzalar baş verir. Belə hallarda arxadan vuran sürücüdə heç bir günah olmur. Məsuliyyət tam şəkildə qarşıdakı sürücüdə olur. Bu cür qəzalara düşən sürücülərə diqqətli olmağı və aldanmamağı tövsiyə edirik.

Nərmin