Svetofor və ya yol nişanı yolun solunda quraşdırıla bilər? – DYP-dən rəsmi AÇIQLAMA - VİDEO

Əksər yol nişanları yolun sağ tərəfində quraşdırılır. Lakin bəzən işıqfor və ya yol nişanı yolun sol tərəfində də qurulur. Bəs bu halda sürücü onun tələbinə riayyət etməlidirmi?

Avtosfer.az xəbər verir ki, bu sualı “AvtoFM” “AvtoFM” verlişində Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli cavablayıb.

O bildirib ki, yol nişanları yolun sağ tərəfində quraşdırılmalıdır, bu tələbdir: “Sol tərəfdə nişan yalnız sağ tərəfdə də nişan olmaqla quraşdırıla bilər. Yəni sağdakı nişanın solda təkrarlanması qəbahət və qanun pozuntusu deyil. Amma sol tərəfdə yalnızca qurulan nişan “Yol hərəkəti haqqında” qanunun tələblərinin pozulması deməkdir. Bunun məsuliyyətini hərəkət iştirakçıları yox, həmin nişanı təşkil edən qurum daşıyır”. v

Məhəbbət Tərlanoğlu