“Taksidir” deyə avtomobili sığorta etmirlər – Bu iddia doğrudur? – AÇIQLAMA - VİDEO

Bir çox sığorta şirkətləri taksi fəaliyyəti ilə məşğul olmağa görə maşını sığortalamırlar. Bəs bu nə dərəcədə doğrudur?

Avtosfer.az xəbər verir ki, bu sualı “AvtoFM” verlişində Azərbaycan Sığortaçılar Assosiasiyasının ekspert qrupunun üzvü Emin Allahverdiyev cavablandırıb. Bildirib ki, taksi fəaliyyəti və lizinq avtomobiləri üçün, həmçinin maşının əldə edilməsi digər kreditləşmə yolu ilə olubsa, habelə digər fəaliyyətlərə görə icbari sığorta ilə bağlı hər hansı bir məhdudiyyət yoxdur: “Azərbaycanda icbari sığorta lisenziyası mövcud olan bütün şirkətlər bu növ müraciətləri icbari sığorta etməlidirlər. Sığorta edənə də hər hansı bir problemlə qarşılaşdıqda isə mütləq şəkildə Mərkəzi Banka məlumat verilməlidir”.

Bakı şəhər Dövlət Yol Polisi İdarəsinin baş inspektoru polis mayoru Araz Əsgərli əlavə olaraq qeyd edib ki, icbari sığorta adından bəlli olduğu kimi, onu etməli olan vətəndaşa icbari olduğu qədər lisenziyası olan şirkətlərin hər birinə aiddir.

Məhəbbət Tərlanoğlu