Təyyarədə siqaret çəkməyin cəzası nədir?

Təyyarədə siqaret çəkməyin qadağan olduğunu hər kəs bilir. Hava gəmisində bununla bağlı xüsusi nişanlar olmaqla yanaşı bələdçilər tərəfindən də xəbərdarlıq olunur.

Bəzən uzun səfərlərə çıxan sərnişinlər bu qaydaları pozurlar. Məsələn, 12 saatlıq uçuş zamanı siqaret çəkən insanlar yumşaq desək “əziyyət” çəkir və qaydaları pozaraq təyyarənin sanitar qovşağında siqaret çəkirlər.

Təyyarə bələdçiləri bildirir ki, sərnişin qaydaları pozaraq siqaret çəkərsə hava limanına enən zaman müvafiq olaraq hüquq-mühafizə orqanlarına təslim olunacaq və növbəti dəfə aviaşirkətin qara siyahısına salınacaq.

Bəs hüquq-mühafizə orqanları həmin şəxslə bağlı hansı tədbirləri görür? Bu ölkədən-ölkəyə dəyişir. Avtosfer.az xəbər verir ki, Azərbaycan qanunvericiliyində bunun cəzası var. İnzibati Xətalar Məcəlləsinin 299-cu maddəsi hava nəqliyyatında tütün çəkmə barəsindədir. Maddəyə görə hava nəqliyyatında tütün çəkməyə görə şəxs yüz manat məbləğində cərimə olunur.

Orxan