Uzaq yola çıxan sürücülərin nəzərinə - Bu içkilərdən istifadə etməməyə çalışın

Məlum olduğu kimi Ramazan bayramı münasibətilə rayonlara səyahət edənlərin sayı artıb. Bayram günlərdə uzaq yol çıxan sürücülərin diqqət etməli olduğu bir neçə nüans var.

Avtosfer.az xəbər verir ki, bu barədə “AvtoFM” radiostansiyasının efirində yayımlanan "Faydalı saat" verilişində dietoloq Tutu Zeynalova sürücülərin nəzərinə çatdırıb.

O, bildirib ki, bayram günlərində uzaq yola çıxan sürülər kofeinli, şirin qazlı, energetik içkilərdən istifadə etməməyə çalışmalıdır. Xüsusilə də Ramazan ayı boyunca oruc tutan sürücülər belə içkilərdən uzaq durmalıdır. Çünki onlar ilk bir neçə dəqiqədə sizə özünüzü enerjili hiss etdirsə də, bir müddət sonra yuxulu hiss etməyinizə səbəb ola bilər. Unutmayın, dünyada tapa biləcəyiniz və yol yoldaşınız ola biləcək ən yaxşı içki sudur”.

Məhəbbət Tərlanoğlu