Vəsiqəsi məhdudlaşdırılan sürücülərin diqqətinə: Bu halda heç vaxt maşın sürə bilməyəcəksiniz

Nəqliyyat vasitəsini idarəetmə hüququ məhdudlaşdırılan sürücülərin əksəriyyəti məlumatsız olduqları üçün problemlə üzləşirlər. Bu barədə bir neçə sürücü Avtosfer.az-ın elektron ünvanına müraciət ünvanlayıblar. Onlar bildirirlər ki, məhdudlaşdırma müddətinin bitməsinə baxmayaraq avtomobili idarə edə bilmirlər. Çünki sistemdə hələ də məhdudiyyətin olması ilə bağlı məlumat görünür.

Qanunla bu məsələ necə tənzimlənir?

Qeyd edək ki, sürücülük hüququ məhdudlaşdırılan zaman sürücü vəsiqəni özündə saxlamamalıdır. Məhudlaşdırılma ilə bağlı qərar qəbul edilən kimi vəsiqə Dövlət Yol Polisi İdarəsinə təhvil verməlidir. Sürücü vəsiqəni təhvil verən gündən sonra məhdudlaşdırma müddəti hesablanmağa başlayır. Lakin vəsiqə təhvil verilmədikdə müddət olduğu kimi qalır. Onun üzərindən illər keçsə də, sürücünün hüququ məhdudlaşdırılmış şəkildə qalmaqda davam edir. Bu məsələdən xəbərsiz olan sürcülər problemlə üzləşirlər.

Könül