Yol polisi narkoman sürücüləri bu əlamətə görə aşkar edir

Bəzi sürücülər (söhbət təkcə Azərbaycandan getmir) iddia edirlər ki, içki və ya narkotik qəbul etdikdən sonra avtomobili daha rahat idarə edirlər. Bəs bu iddia nə dərəcədə doğrudur? Cavabı belçikalı ekspertlər verir. 

Avtosfer.az-ın xəbərinə görə, avropalı mütəxəssislər bu iddianın birmənalı şəkildə yalan olduğu qənaətindədirlər. Onlar narkotikin təsirində olan sürücünün psixoloji halını belə təsvir edirlər: Narkotikin təsiri altında olan sürücü yol işarələrinə əhəmiyyət vermir (görə bilmir), kənardan gələn səslərə reaksiya verə bilmir. O, yalnız gözünü bir nöqtəyə zilləyib hərəkət edir. Bu nöqtə əksər hallarda qarşıdakı avtomobilin nömrəsi olur. Həmin avtomobil hərəkət istiqamətini dəyişdikdə və ya dayandıqda isə arzuolunmaz nəticələr ortaya çıxır.

Digər tərəfdən, narkotik və ya spirtli içki qəbul etmiş şəxs avtomobili idarə etmək üçün daha çox səy göstərir, artıq hərəkətlər edir və tez yorulur. Polislə rastlaşmaq qorxusu ilə hərəkət edən narkoman sürücünü  məhz bu yersiz hərəkətləri ələ verir.

Vüqar