Zəlzələlər zamanı sürücülər nə etməlidir – EKSPERTDƏN AÇIQLAMA - FOTO

Öyrənək 3 Aprel 2024 18:29 Oxunub 664
Zəlzələlər zamanı sürücülər nə etməlidir – EKSPERTDƏN AÇIQLAMA   - FOTO
WhatsApp kanalımıza abunə ola bilərsiniz

Zəlzələlər baş verdiyi ərazilərdə dağıntılara səbəb olan təbii fəlakətdir. Zəlzələnin şiddəti artıqca, fəsadlar da artır. Hündür binalar, yollar, ağaclar və s. bu təbii fəlakət zamanı ciddi nəticələr yaradır.

Zəlzələ baş verdikdə necə qorunmaq, daha az xəsarət almaq üçün ilkin tədbirləri bir çoxuna məlumdur. Bu təbbi fəlakətin qurbanlarının özünü düzgün aparmaması onun özü və ətrafdakı insanlar üçün təhlükə yaradır.

Bəs sürücülər zəlzələlər zamanı nələr etməlidir?

Bu barədə Avtosfer.az-a açıqlama verən qəza əleyhinə kursların baş məşqçisi Aqil Rəhimov təəssüflə bildirib ki, sürücülərin çoxunun zəlzələlər vaxtı nə etməli olduğu barədə informasiyaları yoxdur: “Zəlzələ zamanı əgər sürücü yoldadırsa, qətiyyən panikaya düşməməli, sürəti artırmamalıdır. Əgər maşın həyətdə hündürmərtəbəli binaların altındadırsa avtomobili orada saxlamaq olmaz. Ailə ilə bir yerdə açıq yerə, yəni hündürmərtəbəli binalardan uzaq, böyük ağaclardan uzaq yerdə durmaq lazımdır. Bundan başqa, əgər maşın tuneldədirsə tuneli sürücü tez bir zamanda tərk etməlidir. Həmçinin sürücü çökmə ehtimalı olan körpünün üzərindədirsə onu tez keçməlidir”.

Aqil Rəhimov qeyd edib ki, sürücülər panikaya düşməməsi burada ən vacib amildir.

Qeyd edək ki, zəlzələlər zamanı minlərlə insan həlak olur. Təcrübə göstərir ki, əsas təhlükə zəlzələnin özü yox, onun fəsadlarıdır: torpaq süxurlarının ani dəyişikliyi, bina və tikililərin dağılması, mebel və digər ev avadanlıqlarının aşması, şüşə qırıntıları, sel və qaz sızıntısı və s.

Məhəbbət Tərlanoğlu

FOTO QALEREYA
ŞƏRH YAZ
Ad

E-mail

Şərh