Avtobus zolağını və dayanacağını zəbt edən sürücülər yolda çətinlik yaratdılar - FOTO

Paytaxtın müxtəlif ərazilərində qayda pozan sürücülər avtobusların hərəkətinə əngəl törədib.

Bu barədə izləyicilərdən biri Avtosfer.az-ın “Whatsapp” ünvanına fotoşəkillər göndərib. Belə ki, Azadlıq prospektində qeydə alınmış görüntüdə 77-LS-384 dövlət nömrə nişanlı “KIA Optima” markalı avtomobilin sürücüsü avtobus zolağında dayanaraq dəqiqələrlə avtobusların yolunu kəsib. Eyni ərazidə çəkilmiş digər fotoşəkildə 77-FF-791 dövlət nömrə nişanlı “Hyundai Elantra” markalı avtomobilin sürücüsü maşını düzgün şəkildə (paralel) park etməyib. Nəticədə avtobus sürücüləri zolaqla hərəkət edə bilmədikləri üçün sola manevr etməli olublar. Cəfər Xəndan küçəsində qeydə alınmış görüntüdə isə 10-GG-273 dövlət nömrə nişanlı “QAZ-31105” markalı avtomobilin sürücüsü yaxınlıqda parkinq üçün yer olsa da dayanacağı zəbt edib. 

Nərmin