Bahalı nömrə ilə avtomobilini səkiyə dırmaşdıran sahibkarlar kimdir? - FOTO

Paytaxtda sahibkarların vaxtaşırı törətdiyi özbaşınalıqlar artıq ölkə gündəminin əsasını təşkil edir. Onlar yeni təmirdən çıxmış parkı özəlləşdirməyə cəhd, tarixi binaların görünüşünə xələl gətirərək boyama və kontruksiya dəyişiklikləri və s. kimi əməllərlə son günlər həm sosial şəbəkələrdə, həm də mediada xəbər mövzusuna çevriliblər.

Avtosfer.az xəbər verir ki, bu dəfə isə sahibkarların qanunazidd davranışı Bakının Nizami rayonunda müşahidə edilib.

Belə ki, “Neftçilər” metro stansiyasının çıxışı bənzər qeydiyyat nişanlı avtomobillər tərəfindən artıq özəlləşdirilib. Yaranan vəziyyətin fotosu sosial şəbəkələrdə müzakirələrə səbəb olub. Yayılan məlumatın rəy bölməsində sakinlər bildirib ki, 10-DA-666 və 10-UA-666 qeydiyayt nişanlı müvafiq olaraq “Range Rover” və “Hyundai” markal avtomobillərin sürcüləri maşını hər gün uzun müddət məhz bu hissədə parklayırlar. Bəzən hətta səkidə hərəkət etməyə yer də qoymurlar. Onlar ehtimal edir ki, həmin sürücülər yaxınlıqdakı obyektin sahibidir, ya hər iki avtomobil eyni adama məxsusdur, ya da şərikdirlər.

Vətəndaşlar uzun müddətdir davam edən bu cür neqativ halların aidiyyəti qurumlar tərəfindən təcili aradan qaldırılmasını gözlədiklərini qeyd ediblər.

Səfər