Bakıda “Chevrolet” yük maşının altında qalmaqdan son anda xilas oldu - VİDEO

Paytaxtın Binə-Suraxanı yolunda özünü təhlükəyə atan sürücü anbaan kameraya düşüb.

Avtosfer.az-ın məlumatına görə, hadisə iyunun 24-də saat 08:40 radələrində qeydə alınıb. Hərəkətdə olan 99-CY-306 dövlət nömrə nişanlı “Chevrolet Cruze” markalı avtomobilin sürücüsü ötmə əməliyyatı edərkən qəzadan son anda qurtulub. Belə ki, yüksək sürətlə hərəkət edən sürücü qarşıdan gələn yük maşınını görür və yenidən sağ zolağa manevr edir. Xoşbəxtlikdən “Mirtsubishi” markalı avtomobilin sürücüsü nəqliyyat vasitəsinin sürətini azaldır və baş verə biləcək qəzanın qarşısını alır. Lakin "qabağa düşmək" istəyən sürücü bir müddət sonra işıqforun qırmızı işığında dayanır.

Təəssüf ki, bəzi sürücülər bu cür əməl törətməklə vaxtlarına “qənaət” etdiklərini düşünürlər. Nəticədə isə özlərini və ya digər hərəkət iştirakçılarını təhlükəyə atırlar.

Nərmin