"BakuBus" sürücüsündən təhlükə: Maşını sıxışdırıb qoşa xəttin üzərinə çıxardı - VİDEO

Bakıda manevr qaydasını pozan avtobus sürücüsü qəza şəraiti yaradıb. Avtosfer.az xəbər verir ki, hadisə avqustun 21-də, paytaxtın Zabrat qəsəbəsində baş verib.

Belə ki, "BakuBus"a məxsus 15582 eyniləşdirmə kodlu sərnişin avtobusunun sürücüsü dayanacaqdan hərəkətə başlayan zaman manevr qaydasını pozub. O, arxadan gələn sürücüyə əhəmiyyət vermədən birbaşa ikinci zolağa manevr edib. Bu zaman görüntünü qeydə alan sürücünü sıxışdıraraq qoşa xəttin üzərinə çıxarıb.

Qanunvericiliyə görə, yaşayış məntəqələrində dayanacaqdan hərəkətə başlayan avtobus sürücüləri üstünlüyə malikdirlər. Lakin bu o demək deyil ki, onlar istədikləri formada hərəkətə başlayıb təhlükə yarada bilərlər. Sərnişinləri mindirib-düşürdükdən sonra dönmə işığını yandırmalı və digər nəqliyyat vasitələrinin ona yol verdiyinə əmin olduqdan sonra hərəkətə başlamalıdır.

Fərid