"Binə" çörək zavodunun sürücüsü narkoman çıxdı - AĞIR QƏZA VƏ HƏBS - VİDEO - FOTO

"Binə" çörək zavodunun sürücüsü Qaradağ rayonu ərazisində ağır qəza törədib. Bu barədə Avtosfer.az-a Qaradağ rayon Dövlət Yol Polisi Şöbəsi tərəfindən məlumat verilib.

Bildirilir ki, 99-TL-719 qeydiyyat nişanlı "Ford" markalı avtomobilin sürücüsü təhlükəli hərəkətlər etdiyi üçün yol polisi əməkdaşları tərəfindən "saxla" işarəsi verilib. Lakin sürücü tabesizlik göstərərək hərəkətinə davam edib.

Daha sonra o, "Meyvəli" dairəsinin yaxınlığında 90-CS-409 qeydiyyat nişanlı "Hyundai" markalı avtomobilə çırpılaraq ağır qəzaya səbəb olub.

Əraziyə Qaradağ rayon Polis İdarəsinin və Dövlət Yol Polisi Şöbəsinin əməkdaşları yaxınlaşıblar. Araşdırma zamanı məlum olub ki, qəzanı törədən sürücü 1989-cu il təvəllüdlü Bakı şəhər sakini Əliyev İlqar Məhəmməd oğludur. Sürücünün müayinəsi zamanı narkotik vasitə istifadə etdiyi üzə çıxıb. Lakin özü spirtli içki qəbul etdiyini bildirib.

Qeyd edək ki, toplanılmış materiallar aidiyyəti üzrə Qaradağ rayon Məhkəməsinə göndərilib. Məhkəmənin qərarı ilə sürücü İlqar Əliyev barəsində 15 gün müddətinə həbs qərarı verilib.

Fərid