Binədə “VAZ”la “ruçnoy” çəkib “avtoş”luq edən sürücü piyadanı qorxutdu - VİDEO

Bakının Xəzər rayonu, Binə qəsəbəsində qaydaları kobud şəkildə pozan sürücü videolarını çəkərək “TikTok” hesabında paylaşıb.

Avtosfer.az-ın məlumatına görə, 10-FX-548 dövlət nömrə nişanlı “VAZ-2107” markalı avtomobilin sürücüsü yaşayış zonasında sərt manevrlər edib. Belə ki, o, əl əyləcindən istifadə edərək avtomobili əks istiqamətə fırladıb. Bu zaman sürücü təkərlərin yolun səthi ilə sürtünməsi səsləri çıxarıb və təkər izləri buraxıb. Digər görüntüdə isə dostunun “şou”sunu qeydə alan şəxs piyadaya xəbərdarlıq edərk yoldan kənara çəkilməsini bildirib. Yaşlı kişi  isə anidən təşvişə düşərək qaçıb. Eyni zamanda o, maşını dövlət qeydiyyat nişanı olmadan idarə edib.

Xatırladaq ki, bu xəta avtoxuliqanlıq göstəricilərinə əsaslandığı üçün İnzibati Xətalar Məcəlləsinin 511.1-ci maddəsi ilə nizamlana bilər. 

Nərmin