Binəqədidə “VAZ”ı “ikitəkər” qaldırıb “şou” göstərən “avtoş” sürücü - 60-BZ-315 - VİDEO

Bakının Binəqədi rayonu, Binəqədi qəsəbəsində qaydaları kobud şəkildə pozan sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, 60-BZ-315 dövlət nömrə nişanlı “VAZ-2107” markalı avtomobilin sürücüsü yolda sərt manevrlər edib. Belə ki, o, maşının təkərlərini yer səthindən qaldırıb və sağa-sola manevr edərək hərəkətdə olan digər nəqliyyat vasitələrinə təhlükə yaradıb. Digər görüntüdə isə sürücü anidən drift edərək əks istiqamətli yola çıxıb və qarşı tərəfdən gələn maşınla toqquşmaqdan son anda yayınıb. Eyni zamanda o, özüylə yanaşı avtomobildə olan sərnişinləri də təhlükəyə atıb.

Xatırladaq ki, sürücünün törətdiyi qayda pozuntusu İnzibati Xətalar Məcəlləsinin 511.1-ci maddəsiylə nizamlana bilər.

Nərmin