Bir neçə metr qabağa düşən sürücülər 100 manatlıq qayda pozdular - VİDEO

Paytaxtın Nizami rayonu, Rüstəm Rüstəmov küçəsində qayda pozan sürücülər kameraya düşüb.

Avtosfer.az-ın məlumatına görə, hadisə avqustun 21-də saat 17:49 radələrində qeydə alınıb. Hərəkətdə olan 77-LC-473 dövlət nömrə nişanlı “Hyundai Elantra” markalı avtomobilin sürücüsü işıqfora əhəmiyyət vermədən qırmızıda keçib. Belə ki, o, digər nəqliyyat vasitələrindən fərqli olaraq piyada yolu keçdikdən sonra hərəkətinə davam edib. Ardınca “Bolt Food” şirkətinin kuryeri də eyni qayda pozuntusunu törədib. Belə ki, o, idarə etdiyi 45-B-802 dövlət nömrə nişanlı motosikletlə işıqforda dayanmadan hərəkət edib.

Qeyd edək ki, qanuna edilən dəyişikliyə görə, bu xətanı törədən sürücülər İnzibati Xətalar Məcəlləsinin 372.2-ci maddəsinə əsasən 100 manat məbləğində cərimələnə bilərlər. 

Nərmin