"Brızqavik", "patpres" və qara tüstüyə görə maşın "ştrafnoya" aparıla bilərmi? - VİDEO

"Jetour" Azərbaycanın təqdimatı ilə sürücülərə qaranlıq qalan daha bir məsələyə aydınlıq gətirəcəyik. Son zamanlar avtomobillərin əsassız şəkildə cərimə meydançasına aparılması ilə bağlı redaksiyamıza çoxsaylı şikayətlər ünvanlayırlar. Avtosfer.az-a müraciət edən sürücülər bildirirlər ki, avtomobildə palçıq fartuklarının olmamasına görə, alın şüşəsində çatın olmasına və dəm qazının normadan artıq çıxmasına görə avtomobillər mühafizə olunan duracağa aparılır. Yol polisi əməkdaşları tərəfindən aşkar edilən belə nasazlıqlara görə avtomobil duracağa yerləşdirilə bilərmi?

Qeyd edək ki, sürücünün nəqliyyat vasitəsindən kənarlaşdırılması və avtomobilin mühafizə olunan duracağa yerləşdirilməsi İnzibati Xətalar Məcəlləsinin 96-cı maddəsi ilə tənzimlənir. Həmin maddədə nasazlığa görə avtomobilin mühafizə olunan duracağa aparılması nəzərdə tutulmayıb. Ona görə də avtomobildə olan istənilən nasazlığa görə sürücünün sükan arxasından kənarlaşdırılması və avtomobilin mühafizə olunan duracağa aparılması yolverilməzdir. Belə nasazlıqlar aşkar edilən zaman İnzibati Xətalar Məcəlləsinin 342.5-ci maddəsilə 50 manat məbləğində cərimə yazılmalıdır və həmin nasazlığın aradan qaldırılması ilə bağlı sürücüyə xəbərdarlıq edilməlidir. Qanunvericilikdə siyahısı verilmiş nasazlıqları duracaqda aradan qaldırmaq mümkün deyil. Bunlar yalnız təmir sexlərində xüsusi avadanlıqların köməyi ilə aradan qaldırıla bilər. Bu səbəbdən nasaz avtomobillərin duracağa aparılması nə məntiqlə, nə də qanunvericiliklə düzgün deyil.

Nəqliyyat üzrə ekspert Elməddin Muradlının bu məsələ ilə bağlı ətraflı video izahını təqdim edirik:

Fərid