Bu küçədə sürücülər nişanları heçə sayıb avtobusların və piyadaların yolunu kəsirlər - FOTO

Paytaxtın Binəqədi rayonu Süleyman Sani Axundov küçəsində dayanma və durma qaydalarını pozan sürücülər görüntülənib.

Avtosfer.az-ın məlumatına görə, xoşagəlməz mənzərə oktyabrın 30-da saat 11:57 radələrində qeydə alınıb. Fotoşəkillərdən göründüyü kimi, 90-OU-567 dövlət nömrə nişanlı “Audi” markalı, 99-KN-058 dövlət nömrə nişanlı “Toyota” markalı, 10-MA-089 dövlət nömrə nişanlı “Hyundai” markalı və digər avtomobillərin sürücüləri avtobus zolağı nişanına əhəmiyyət vermədən maşınlarını dayanacaqda park ediblər. Nəticədə onlar avtobus sürücülərinin dayanacaqda sərnişin düşürmələrinə əngəl törədiblər. Eyni zamanda qayda pozan sürücülər yaxınlıqdakı piyada keçidini də zəbt ediblər.

Nərmin