Bu sürücü hər gün piyada səkisini zəbt edir - 99-RO-032 - VİDEO

Paytaxtın Xətai rayonu Rövşən Hüseynov küçəsində dayanma-durma qaydasını pozan sürücü görüntülənib.

Bu barədə izləyicilərdən biri Avtosfer.az-a videomaterial göndərib. Belə ki, 99-RO-032 dövlət nömrə nişanlı “Hyundai Sonata” markalı avtomobilin sürücüsü piyada səkisini zəbt edib. Şikayətçinin iddiasına əsasən, sürücü demək olar ki, hər gün avtomobili səkidə saatlarla park edərək piyadaların hərəkətinə əngəl törədir. Elə kadrlarda da göründüyü kimi, piyadalar ərazidən çətinliklə keçirlər. 

Xatırladaq ki, sürücülərin törətdiyi bu xəta İnzibati Xətalar Məcəlləsinin 346.1-ci maddəsinə əsasən, 20 manat məbləğində cəriməylə nəticələnir. 

Nərmin