Cərimədən yayınan sürücü "qaş düzəltdiyi yerdə vurub göz çıxardı" - VİDEO

Bakıda qaydaları pozan sürücünün videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə noyabrın 3-də, paytaxtın Zabrat yolunda baş verib.

Belə ki, 77-DU-162 qeydiyyat nişanlı "Toyota Prius" markalı avtomobilin sürücüsü sərnişin gözləyən zaman kobud qayda pozuntusuna yol verib. O, 2 bal 100 manat cərimə olunmamaq üçün avtobus zolağının yanındakı zolaqda dayanıb. Bu zaman arxadan gələn sürücülərin qarşısını kəsərək onların hərəkətinə mane olub.

Son zamanlar avtobus zolağı olan yollarda sərnişin mindirib-düşürən sürücülər cərimədən yayınmaq üçün məcburi şəkildə hərəkət zolağında dayanırlar. Bu, qayda pozuntusu hesab edilsə də, onların da hərəkəti başadüşüləndir. Çünki, sərnişin düşürmək üçün bu yollarda heç bir şərait yaradılmayıb. Onlar da məcbur şəkildə qayda pozmalı olurlar.

Könül Rauf