Dayancağı zəbt edib özü yoxa çıxan sürücü avtobusa çətinlik yaratdı - FOTO

Paytaxtın Azadlıq prospektində dayanacağı zəbt edən sürücü avtobusun hərəkətinə əngəl törədib.

Avtosfer.az-ın məlumatına görə, xoşagəlməz hadisə oktyabrın 29-da saat 10:20 radələrində qeydə alınıb. Görüntüdən də aydın olduğu kimi, 77-AD-739 dövlət nömrə nişanlı “Chevrolet Cobalt” markalı avtomobilin sürücüsü dayanma-durma qaydasını pozub. Belə ki, o, maşını qəza işıqları yanılı vəziyyətdə və yan güzgülərini bağlayaraq avtobus dayanacağındq park edib. Bu zaman avtobus sürücüsü dayanacağa daxil ola bilməyib. Vəziyyətdən çıxış yolu kimi, o, maşınları sıxışdıraraq sol zolağa keçid etdiyini bildirib. 

Qeyd edək ki, sözügedən ərazidə eyni qaydanı pozuntusuyla bağlı xəbər saytımızda bir gün əvvəl dərc olunub. 

Nərmin