Dayanma-durma qaydasını pozan sürücü yanğınsöndürən maşının yolunu kəsdi - VİDEO

Dayanma-durma qaydasını pozan sürücünün hərəkəti sosial şəbəkədə qınanılıb. Avtosfer.az xəbər verir ki, hadisə İsmayıllı rayonunda baş verib. Belə ki, 31-BD-692 qeydiyyat nişanlı "VAZ" markalı avtomobilin sürücüsü yolayrıcına 5 metrdən az məsafədə dayanaraq qaydaları pozub.

O, həmçinin solda dayanmış avtomobillə aradakı məsafəni gözləmədiyi üçün hərəkəti məhdudlaşdırıb.

Qanunvericilikdə qeyd olunub ki, hər iki istiqamətdə dayanmış nəqliyyat vasitələri arasında minimum 3 metr məsafə olmalıdır.

Qaydalara dırnaqarası baxan sürücü yanğından mühafizə xidməti avtomobilinin yolunu kəsərək onların xidməti fəaliyyətinə mane olub.

Fərid