"Göydən zənbillə düşən" sürücü qaydaları belə pozdu: 6 bal 160 manat... - VİDEO

Mehdiabad qəsəbəsində qayda pozan sürücünün videosu sosial şəbəkədə yayılıb. Avtosfer.az xəbər verir ki, hadisə iyulun 7-də, 28 May küçəsində qeydə alınıb. Belə ki, 77-RP-276 qeydiyyat nişanlı "Hyundai" markalı avtomobilin sürücüsü svetoforda dayanmağa səbri çatmadığı üçün qayda pozmağı seçib. O, əks yola çıxaraq dayanmış avtomobilləri ötüb keçib, daha sonra isə svetoforun qırmızı işığında dayanmadan hərəkətinə davam edib.

Qeyd edək ki, əks istiqamətə çıxmağın və svetoforun qadağanedici işığında hərəkət etməyin cəriməsi İnzibati Xətalar Məcəlləsinin 327.2-ci maddəsilə 3 bal 80 manat məbləğində nəzərdə tutulub.

Fərid