Malakan məbədinin önünü özlərinin parkinq ərazisi etdilər - FOTO

Paytaxtın Nəsimi rayonu Süleyman Rüstəm küçəsində sürücülərin özbaşınalığı narazılıq yaradır. Avtosfer.az xəbər verir ki, keçmiş Malakan məbədinin qarşısındakı səki ərazidə yaşayan və ya obyekt sahibi olanlar tərəfindən zəbt edilib.

Ərazidə parkinq olsa da sürücülər səkini zəbt edərək pul ödəməkdən yayınmaq istəyir.

Bəzi şəbəkə istifadəçiləri belə küçələrdə avtomobillərin parklamasının qarşısını almaq üçün səki kənarlarına plastik maneələr yerləşdirməyi təklif edir.

Sakinlər bildirib ki, parkinq xidmətindən yayınan sürücülərin şəhərin səkilərini zəbt etməsinin sərt cəza ilə nəticələnməsi mütləqdir. Vətəndaşlar aiddiyyatı qurumların vətəndaşların təhlükəsizliyini və küçədə rahat hərəkətini təmin etmək üçün davamlı nəzarətini tələb ediblər.

Səfər