Maşın yaxınlaşarkən yolayrıcına girən xanım sürücü təhlükə yaratdı - VİDEO

Paytaxtın Xəzər rayonu Mərdəkan qəsəbəsində qayda pozan sürücü görüntülənib.

Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Belə ki, 90-EN-041 dövlət nömrə nişanlı “Mitsubishi Pajero” markalı avtomobilin sürücüsü soldan gələn nəqliyyat vasitəsinə məhəl qoymadan yolayrıcına daxil olub. Videodan da göründüyü kimi, sürücü, avtomobil yaxınlaşan zaman hərəkət etməyə başlayıb və bu zaman ona qəza riski yaradıb. Xoşbəxtlikdən sürücü vaxtında sol zolağa manevr edərək baş verə biləcək təhlükənin qarşısını alıb.

Qeyd edək ki, görüntünü sosial şəbəkə hesabında paylaşan sürücü qayda pozan şəxsin qadın olduğunu bildirib.

Nərmin