Maşını yan-yana park edən sürücülər səkini davamlı zəbt edir - Sakinlər beziblər - FOTO

Paytaxtın Nizami rayonu Şirin Mirzəyev küçəsində dayanma-durma qaydalarını pozan sürücülər görüntülənib.

Avtosfer.az-ın məlumatına görə, xoşagəlməz mənzərəylə bağlı fotoşəkil sosial şəbəkədə paylaşılıb. Belə ki, 99-RH-542 dövlət nömrə nişanlı “Nissan Micra” markalı və 77-HV-642 dövlət nömrə nişanlı “Chevrolet Avalon” markalı avtomobillərin sürücüləri piyada səkisini parkinqə çevirib. Sözügedən ərazidə yaşayan sakinlərin iddiasına əsasən, qayda pozan sürücülər səkini davamlı zəbt edirlər. Nəticədə maneə ilə qarşılaşan piyadalar məcbur qalaraq yolun hərəkət hissəsiylə gedirlər. 

Qeyd edək ki, qanuna edilən dəyişikliyə görə, bu xətanı törədən sürücülər İnzibati Xətalar Məcəlləsinin 346.1-ci maddəsinə əsasən 60 manat məbləğində cərimələnə bilərlər. 

Nərmin