Maşının qabağını qaldırıb nömrəni çıxaran sürücünün qayda pozuntuları kameraya düşdü - VİDEO

Bakıda yol hərəkəti qaydalarını pozan sürücünün videosu sosial şəbəkədə yayılıb. Avtosfer.az xəbər verir ki, görüntülər paytaxtın Qara Qarayev prospektində qeydə alınıb.

Belə ki, 10-UR-710 qeydiyyat nişanlı "Tofaş" markalı avtomobilin sürücüsü ön qeydiyyat nişanını çıxararaq hərəkət edib. Sürücünün konstruksiyaya qanunsuz müdaxilə etməsi videoda aydın şəkildə əks olunub.

Faranın birinə sarı işıq quraşdıran sürücü digər faranı söndürüb, o cümlədən asqı sisteminə müdaxilə edərək avtomobilin qarşısını qaldırıb.

Qeyd edək ki, avtomobilin ön faralarına sarı, qırmızı işıqlar quraşdırmaq qadağandır.

Fərid