Mopedlərin cərimə meydançasına aparılmasının səbəbi bu imiş - AÇIQLAMA

Son günlər yol polisi əməkdaşları tərəfindən mopedlərin duracağa aparılması xəbərləri yayılmaqda davam edir. Moped sürücülərindən biri Avtosfer.az-a məlumat verərək iddia edir ki, saxlanılan sürücülər arasında qayda pozuntusu törətməyənlər də var: "Qanunda qeyd olunub ki, sürəti 50 km/saatdan aşağı olan mopedləri idarə etmək üçün sürücülük vəsiqəsinə ehtiyac yoxdur. Lakin yol polisi əməkdaşları vəsiqəsi olmayan həmin sürücülərin mopedlərini duracağa yerləşdirirlər. Hətta kuryerlərdən birinə bildiriblər ki, daşıdığın "Wolt" şirkətinə məxsus çantanın sənədi olmalıdır. Həmin sənəd olmadığı üçün nəqliyyat vasitəsi duracağa yerləşdirilib " - deyə sürücü bildirir.

Bakı şəhər Dövlət Yol Polisi İdarəsinin bölmə rəisi Toğrul Nəsirli bildirib ki, həmin nəqliyyat vasitələrini idarə edən şəxslərin idarəetmə hüququ olmadığı üçün evakasiya edilib:

“Bir daha nəqliyyat vasitəsi sürücülərindən tələb edirik ki, idarəetmə hüququ olmadan sükan arxasına əyləşməsinlər. Əks halda barələrində qanunamüvafiq tədbirlər görüləcək”.

BDYPİ rəsmisinin sözlərinə görə, toplanan motosikletlərin əksəriyyəti çatdırılma xidməti göstərən şəxslərə aiddir.

Fərid